Husnes Cup: Fair play-prisen til Triojentene

Trio sine lillejenter stilte 2 lag på Husnes Cup. Trio 2 fekk fair play-prisen. Dette er første gongen eit lag i cupens 8 årige historie at eit lag frå Trio vinn prisen! Lagfoto: Geir Remme.

Kampresultata er ikkje det viktigaste i Husnes Cup og laga sjølve, og dommarane, er med på å kåre eit lag som fortener Fair play-prisen. Den gjekk i år til Trio 2 i jenteklassen. Her følgjer ein del bileter frå laurdagen.

Alle lag fekk utlevert ei liste, der dei skulle gje pluss, minus eller nøytral til motstandarane sine på laurdag, basert på korleis dei oppførte seg mhp fair play. Dette gjekk både på spelarane, trenarane og supporterane sin oppførsel.

Stordjentene vartar opp med ei spretten oppvarming.

9 lag hadde alle fått 2 plussar kvar frå motstandarane på sine 3 laurdagskampar. Dermed var det dommarane sine rapportar på dommarkorta som vart avgjerande. Her var det jentene på Trio 2, leia av Ragnvald Vaage og Hilde Enstad, som stakk av med premien, som er billettar til ein Brann-kamp.

Jentene får prisen på cupkvelden før diskoteket. Der blir også Åkra lillejenter premiert for å vera trekt ut som vinnar blant dei 25 laga som hadde full pott på quizen, og Fitjar får premien for beste klubb i opptoget. Dei 3 laga frå Fitjar gjorde imponerande mykje positivt av seg på marsjen bort til Husnes sentrum.

No er det diskotek, før nye kampar ventar i morgon.