Basar på Triohuset

Kasserar Rita Larsen (til venstre) og husstyreleiar Rita Johansen flankerer sjekkutdelar Kåre Ertsland frå Kvinnherad Sparebank.

Mykje folk var samla då Trio sitt husstyre arrangerte sin årlege basar på Triohuset søndag. Premieborda var som vanleg bugnande fulle, men største premien stakk Triohuset av med sjølv.

Mykje folk var møtt fram.

Basaren vart nemleg opna med ei overrasking av det store slaget. Seksjonssjef for kunderetta verksemd i Sparebank1 Kvinnherad, Kåre Ertsland, var møtt fram for å dele ut ein sjekk på 60.000 kr til Triohuset. Husstyret hadde tidlegare i år søkt om midlar og desse kjem godt med i eit år som har vore aktivt på oppussingsfronten. Nyleg har ein mellom anna lagt nytt golv i festsalen, gangen og på kjøkkenet.

Henning Haga rista ut vinnartala.

Og den same festsalen var i dag godt full med folk. Nærare 80 menneskje var kome med von om å vinne på basaren, som er kjent for å alltid ha velfylte premiebord. Innimellom 3 rundar med åresal og trekking av loddbøkene, kunne folk nyte kaffi, saft og kaker.

Bugnande premiebord: Desse premiane vart trekt ut på loddbøkene.

Premiane til åresalet.

Jonas Teigen var godt nøgd med basaren.


	Tilbake