Pensjonistfest på Triohuset

Sundegutane.

Vårt driftige husstyre hadde stått på, pynta lokalet og smurt dugeleg med snittar til dei frammøtte pensjonistane. Alle let vel over eit godt arrangement, som vart toppa med festleg underhaldning av 'Sundegutane'. 7 staute karar, som stundom samlast til øving og songkveldar, varta opp med flotte songar, sterkt inspirert av ein studietur til Irland tidlegare i år.

Premiebordet.

Etter underhaldninga var det kaffi og kaker, før eit dugeleg bord med gevinstar vart lodda ut ved åresal. Pensjonistfesten er ikkje nokon stor inntektspost, men med mesteparten gjort som dugnad, fekk Husstyret inn nokre kjærkomne kroner i kassa, som kan brukast vil vedlikehald på Triohuset. Allereie denne veka har styret gått i gang med å gjere uteområdet vent å sjå til for sommaren.

Sigrun Storhaug takkar.

Før folk gjekk heim, takka Husnes-Utåker Pensjonistlag, ved leiar Sigrun Storhaug, for tilstellinga og Unni Belt tok ordet på vegne av Søral-pensjonistane og overrekte ei pengegåve til Husstyret.

' 

På vegne av Husstyret vil leiar Hanne Larsen takke alle som kom for frammøte og hyggjeleg lag, samt takke for gåva

frå Søral-pensjonistane.

.

.

.