Husnes Cup 2012

Husnes Cup er ei sosial og kompakt fotballturnering for 10-12-åringar. I år er 12. året Trio fotball arrangerer denne cupen. Husnes Cup går av stabelen i tida 17.–19. august (fredag-søndag, helga etter skulestart).

Husnes Cup tek mål av seg til å vera eit alternativ til dei store cupane. Vi reknar at om lag 50 lag er høveleg tal for at alle skal trivast. Vi har hausta ros for at alle aktivitetane, kampane, overnatting, matservering og sosiale tiltak er samla innafor eit trafikksikkert område.

Vi satsar på kvalitet og intimitet og prøver å gjera vårt beste for at spelarar og leiarar skal få ei god fotballoppleving på Husnes. Tilbakemeldingane tidlegare år har vore udelt positive.

Husnes Cup er inndelt i 4 klassar:

- Gutar 10 år (2002)

- Gutar 11 år (2001)

- Gutar 12 år (2000)

- Jenter 11-12 år (2000-01)

7arfotball i dei eldste klassane, 5ar for 10-åringane.

Kampavvikling etc.:

- Kampane vert spela på naturgras og kunstgras i Husnes Idrettspark. Om veret tverkar med oss, kan kampane på gras bli flytta til grus.

- Kampane startar laurdag morgon. Om påmeldinga krev det, kan det verta kampstart fredag kveld (lite sannsynleg). Tilreisande lag spelar ikkje før laurdag. Kampoppsett vert sendt ut så tidleg som råd er.

- Matservering og alle fasilitetar innafor ein radius på eit par hundre meter!

- Overnatting på Undarheim skule og Husnes ungdomsskule. For anna overnatting, sjå linken ”Overnatting”.

- Vi nyttar NFF sitt reglement og har i alle år lagt stor vekt på Fair Play.

- Vinnarlaget av Fair Play får billettar (max 13 stk.) til ein heimekamp for FK Haugesund eller Brann.

Påmelding/betaling:

- Siste frist for påmelding er 1. juni.

- Påmelding er ikkje endeleg før påmeldingsavgift er betalt. Det vil seia at først til mølla gjeld her òg.

- Deltakaravgift må vera betalt innan 20.juni (justeringar kan gjerast i etterkant).

- Påmelding: Påmelding gjerast på nett via denne linken.

Ved problem, kontakt Are Ulseth, 99 24 00 87, eller epost post@il-trio.no.

For meir informasjon:

- Are Ulseth, mob. 99 24 00 87 - e-post: post@il-trio.no